ئوقچۇلار، يۇقارى قاناتلى ۋە كايالى يېزىلىرىنى ئۆز ئىچىگە ئالغان رايونلاردا تەسىرىنى كۆرسەتكەن يەر تەۋرەش ۋەقەسىدە 51 كىشى ھاياتىدىن ئايرىلدى، 100 دىن ئارتۇق كىشى يارىلاندى.

تۈركىيە ئاۋازى رادىئوسى خەۋىرى: تۈركىيىنىڭ ئەلازىغ ۋىلايىتى قارا كوچان ناھىيىسىدە 6 بال يەر تەۋرىدى.
ئوقچۇلار، يۇقارى قاناتلى ۋە كايالى يېزىلىرىنى ئۆز ئىچىگە ئالغان رايونلاردا تەسىرىنى كۆرسەتكەن يەر تەۋرەش ۋەقەسىدە 51 كىشى ھاياتىدىن ئايرىلدى، 100 دىن ئارتۇق كىشى يارىلاندى.

ئىگىلىنىشىچە، سائەت 04:32 مىنۇت ئۆتكەندە مەيدانغا كەلگەن يەر تەۋرەشنىڭ مەركىزى نۇقتىسى باشيۇرت يېزىسى ئىكەن.
يەر تەۋرەش ئاپىتىدە بەزى ئۆيلەرنىڭ گۈمۈرۈلۈپ چۈشكەنلىكى، بەزى ئۆيلەردە ئوخشاش بولمىغان دەرىجىدە زىيان كۆرۈلگەنلىكى ئەسكەرتىلدى.

مەلۇماتلارغا قارىغاندا، ھاياتىدىن ئايرىلغانلارنىڭ كۆپ سانلىقى كوۋانجىلار ناھىيىسىدىكى بەش يېزىدىكى خەلق ئىكەن.
ئاپەت رايونىدىكى ئىزدەش- قۇتقۇزۇش خىزمەتلىرى جىددىي شەكىلدە داۋاملاشماتقا.
ئەلازىغنىڭ پالۇ رايونىدا سائەت 09:47 مىنۇت ئۆتكەندە 5.6 بال چوڭلۇقتا ئىككىنچى قېتىملىق يەر تەۋرەش ۋەقەسى مەيدانغا كەلدى.

بىرىنچى قېتىملىق يەر تەۋرەش ۋەقەسىدىن كېيىن ئەڭ چوڭى 4.4 بال چوڭلۇقىدا بولۇپ، جەمئىي 55 قېتىم قالدۇق يەر تەۋرەش
ۋەقەسى كۆرۈلدى. قالدۇق يەر تەۋرەشلەنىڭ داۋاملىشىدىغانلىقى بىلدۈرۈلدى.

يەر تەۋرەش ۋەقەسىدىن كېيىن دۆلەت مىنىستىرى ۋە مۇئاۋىن باش مىنىستىر جەمىل چىچەك بىلەن سەھىيە مىنىستىرى رەجەب ئاقداغ، قۇرۇلۇش ۋە ئۆي - مۈلۈك ئىشلىرى مىنىستىرى مۇستافا دەمىر ۋە دۆلەت مىنىستىرى جەۋدەت يىلماز قاتارلىقلار ئاپەت رايونغا قاراپ يولغا چىقتى.

بۇ جەرياندا تۇنجەلى مەركەز بىلەن مازگىرت ناھىيىسى ۋە ئۇنىڭغا قاراشلىق يېزىلاردىكى بىر قىسىم مەكتەپلەردە كۆرۈلگەن زىيانلار تۈپەيلىدىن ئوقۇغۇچىلار ئىككى كۈنلۈك تەتىلگە قويۇپ بېرىلدى.